مہرغلام محمددرد

دعا

نعت

ساڈے ساری عمر دے پاہرے دی ہر رات جناب نوں بھل گئی

تینوں پتہ نہیں مانڑ کنہاں دے هوسن میرا مانڑ جہان تے توں ایں

تیتھوں چھٹ گئے درؔد دے مرنے پرنے دولت جاگیر دی خاطر

آئی عید قریب تاں سجنڑاں دی سک ڈھیر ستاونڑ لگ پئی

تیرے کدے گئے باہیں تے سوونڑ دے موسم تیرے کدے گئے ڈر تنہائی دے

تسیں دھڑکن درؔد غریب دے دل دی تسیں سجن نگاہیں دا نور ھو

توں تاں تھڈیوں ائی بخت دا بیلی ہاؤں تینوں نال رلایا بھُل کے

جیڑے سجنڑ نُو لٹ کے رجنڑ دی سوچن شالا او بھائیوال نہ ملن

ڈھلے بخت تاں درؔد خُمار نہ راہسی ڈاڈھے ہوش ٹِکانڑیں آسن

بَندےسَنگت شناس تاں قسم خُدادی سَجنڑاں دےھوندن کَمی

تیرا چہرہ ائی ہنڑ مرجھایا ہویائے اکھیاں دی رت سرمیئی نہیں

کاسہ ہتھ اچ رکھنڑ دا شوق تاں کوئی ناہ ہاسے لُٹے ہوئے نقش ادا دے

دوہڑہ:1

ٹھپے راہنڑ دے درؔد رَسائی دے ورقے وَت چھیڑ نہ ذِکر پُرانڑے

سئے مُدت دے بعد اَساں کملیاں دا ہُنڑ آیائے ہُوش ٹِکانڑے

رُسوائی دے قفس دے مُٹھیاں نوں گھت نئیں لالچ دے دَانڑے

تیری نسل تے وِسنڑ حرام دی موت اے اُوہ بھُل وَنج وقت وِیہانڑے

دوہڑہ:2

میتھے اجن ناراض ایں مرضیاں آلا ایں تیتھوں یار لُکایا کی اے

ھک توں تاں ھائیں میری زندگی وچ تیرے باجھ بنایا کی اے

تیری ذات سوا مینوں ایہہ تاں دس میرا چن سرمایا کی اے

کیوں روز روئیندا ایں کملے نوں تیرا درؔد ونجایا کی اے

دوہڑہ:3

میری نیّت دی خالص جِنس مُطابق تُسیں قیمت لا نہے سگے

چِھک سِک اقرار دی بُکل دے وِچ میرا پیار لُکا نہے سگے

تَک درؔد تےغربت بخت دےبیلی اَٹھ پَہر نِبھا نہے سگے

مینوں روندیاں چھوڑ کے کنڈ کر گئےاوبھاراوکھداچانہے سگے

دوہڑہ:4

میں "درد" نوں "درد" ہزاراں ھن توں "درد" دے "درد" حالات نہ پچھ

توں"درد"دے "درد" نوں کی جانڑیں توں "درد" دے"درد"خیالات نہ پچھ

میں "درد" نوں "درد" اے بہوں ھوندا میتھوں سجناں دی ملاقات نہ پچھ

کس وجہ توں"درد"اے "درد" سدیندا میں "درد" توں اہھ گل بات نہ پچھ

دوہڑہ:5

کسےویلےتخت کھسا باہسیں ، اللہ پاک نوں فخرپسند نئیں

جیندی ٹیک تےملکھ لتاڑکےلنگھدائیں،اےبخت تیراپابند نئیں

میری پاک وفادی چادر نوں،لانفرت دےپیوندنئیں

توں تاہیں بےتکیاں کر باہندائیں،میں درؔد جوں دولت مند نئیں

دوہڑہ:6

تیری ساجھ داعلم بلندکیتائےبھانویں جس انداز اچ رہے آں

تیری چاہت نوں ہمراز بنڑا کےہرممکن راز اچ رہے آں

تینوں درد سمجھ محمود جیہا کردار ایاز اچ رہے آں

ہک وارپیار دی بانگ سُنڑی ساری عمر نماز اچ رہے آں

دوہڑہ:7

ساڈا سچ وی من کے نہوں راضی من لیناایں کوڑ کنہاں دے

ونڑ سوچیاں سمجھیاں لا دیناایں ذمے کل الزام اسہاں دے

پلے بنسیں درؔد جے ملکھ دیاں وڈے ہوسن ذان دوہاں دے

انہاں کداں کوئی توڑ اپڑاونڑاں ہئ جیہڑے خود نئیں واقف راہاں دے

دوہڑہ:8

توئیں سجنڑ صراف دی نظراں وِچ بھانویں میں مجبور گناہیں آں

وَتیں کھیڈدا بخت دی جھولی وِچ دیندا ساہ ساہ نال دعائیں آں

اللہ جانڑدائے دل دی مَسند تے تیرے کانڑ جُڑیندا جائیں آں

دیویں معافی درؔد قیامت تائیں تیرے بھَلیاں دا قرضائیں آں